VISITA IGLESIA PROVINCE OF RIZAL

IKALIMA SA PITONG HULING WIKA

"Nauuhaw ako!" (Juan 19:28). Sinasabi ng Banal na Kasulatan, "Pagkatapos nito, alam ni Jesus na naganap na ang lahat ng bagay; at bilang katuparan ng Kasulatan ay sinabi niya, ‘Nauuhaw ako!'"

Ang ipinahihiwatig ng panlimang wika ay isang "Panganga-ilangan." Nalalaman ni Jesus ang lahat ng kaganapan at nagaganap. Narinig ito ng mga naroroon, lalung-laluna ang mga sundalo na nakapaligid. At dahil may isang mangkok doon na puno ng maasim na alak, itinubog nila rito ang isang espongha, ikinabit sa sanga ng isopo at idiniit sa kanyang bibig. Ito marahil ang kaganapan ng isang salmo o isang hula sa Banal na Kasulatan,

"Sa halip na pagkain, nang ako'y magutom,
Ang dulot sa aki'y mabagsik na lason.
Suka at di tubig ang ipinainom." (Salmo 69:21)

"Itong aking lalamuna'y tuyong abo ang kapara,
Ang dila ko'y dumidikit sa bubong ng ngalangala.
Sa alabok, halos patay na ako ay iniwan na." (Salmo 22:15)

Sa kabilang dako, ipinakikita ng wikang ito ang pangangailangan at kailangan ni Jesus na dapat tugonan. Hindi ba siya ang "tubig na buhay"? Bakit ang tubig na buhay ay nauuhaw? Kagaya ito ng sinabi ng isa sa mga nakabayubay sa tabi ni Jesus, "Kung ikaw ang Cristo (ibig sabihin "Tagapagligtas"), iligtas mo ang iyong sarili at iligtas mo rin kami." Nangangailangan ito ng isang pagtugon upang mapawi ang "uhaw" ng Panginoon na namatay para sa kasalanan ng daigdig. Ang kanyang uhaw ay mapapawi lamang sa pamamagitan ng ating pagsuko at pananalig at pananampalataya na dapat nating taglayin hanggang sa dulo ng ating buhay. Ang bawat isa sa atin ay may mga pangangailangan din, at nauuhaw din sa maraming pangangailangan at ang katugunan ay nasa kalinga't pagmamahal ng "Buhay na Tubig" o ang ating Panginoong Jesus.

VISITA IGLESIA PROVINCE OF RIZAL - LAGUNA DE BAY LOOP

..

OUR LADY OF PEACE AND GOOD VOYAGE

PAETE CHURCH CAUTIVO

THE BELLTOWER OF MORONG CHURCH

96 STEPS OF MABITAC CHURCH

PAETE CHURCH ALTAR

PAETE HOLY WEEK PROCESSION "STA. MARIA BETANIA"

PAETE HOLY WEEK PROCESSION "STA. MARIA JACOBE"

PAETE HOLY WEEK PROCESSION "TRANSFIGURATION"

..